เนื้อเพลง พ่อม่าย โดย วี พนมภูไท

ขอพายกยอเว่าเล่าขานถึงความซั่ว
ความหน้ามืดตามัว
ของพ่อหม้ายสองลูกหล่า
ภรรยาเท้าดอกเลาตาย

ว้าเหว่เอกา เพิ่นอยากหาคู่ซ้อนใหม่
กะเลยปันใจให้ สาวเจ้านามทองดำ

ย้อนกรรมบังตาหรือว่าตัณหาหยับพาใจ
ให้เชื่อคำทองดำเอ่ยว่าขั่นโตอ้าย
กล้าฆ่าบุตรตาทั้งสองน้องจังสิฮ่วมซ้อน
เคียงอ้ายดอกพี่ซาย

มื่อต่อมาจังได้เริ่มแผนการชาติซั่ว
ยามตะเว็นเทิงหัว ตั๋วลูกทั้งสองเข้าป่าไป
ฟ้าวก่นดินลงแล้วเอิ้นลูกคนใหญ่
มาโตนลงไวๆ พ่อขุดส่างให้กินน้ำ

ลูกผู้พี่บ่คิดว่าพ่อสิฆ่า
ฟ่าวโดดลงไปทันตาตามคำที่พ่อโตสั่ง
ทางพ่อกะฟ่าวโยนลูกผู้น้องลงตามหลัง
จอบโกยดินฝังทั้งเป็นสองบุตรตา

พ่อ จ๋า อย่าก่นดินลง
ดินมันผงสิเข้าในตาบักชายหล่า
กอดน้องทุรนทุราย
จนดินก้อนใหญ่กลบหน้า
สิ้นชีวา ย้อนพ่อซั่วซ้าจัญไร

ลูกผู้พี่บ่คิดว่าพ่อสิฆ่า
ฟ่าวโดดลงไปทันตาตามคำที่พ่อโตสั่ง
ทางพ่อกะฟ่าวโยนลูกผู้น้องลงตามหลัง
จอบโกยดินฝังทั้งเป็นสองบุตรตา

พ่อ จ๋า อย่าก่นดินลง
ดินมันผงสิเข้าในตาบักชายหล่า
กอดน้องทุรนทุราย
จนดินก้อนใหญ่กลบหน้า สิ้นชีวา

ลูกผู้พี่บ่คิดว่าพ่อสิฆ่า
ฟ่าวโดดลงไปทันตาตามคำที่พ่อโตสั่ง
ทางพ่อกะฟ่าวโยนลูกผู้น้องลงตามหลัง
จอบโกยดินฝังทั้งเป็นสองบุตรตา

พ่อ จ๋า อย่าก่นดินลง
ดินมันผงสิเข้าหน่วยตาบักชายหล่า
กอดน้องทุรนทุราย
จนดินก้อนใหญ่กลบหน้า
สิ้นชีวา ย้อนพ่อชั่วช้าจัญไร

พอฆ่าลูกน้อยตายพลันกลับมาทวงคำทองดำน้อง
บัดนี้โตอ้ายฆ่าลูกทั้งสองเพื่อสิได้ครองคนไคร
แต่ทางทองดำบัดกลับคำแปปิ้น
ขนาดดวงใจสองชีวินเจ้ายังดับสิ้นชีวาได้

เกิดมามื่อนึงเจ้าฆ่าข่อยเฮ็ดจังใด๋
ฟ่าวหนีไปให้ไกล เด้อบักห่า

ฮ้องไห้กลับมาจุดที่เจ้าของลงมือฆ่า
ขุดหาสองแก้วตาใต้พสุธาที่ฝังไป
โอบกอดกายาที่ปราศจากลมหายใจ
จบคำเล่าขาน ตำนานพ่อหม้ายใจทราม